Драмата околу Кристијано Роналдо и португалската репрезентација добива нов пресврт. По неговото заминување од последниот репрезентативен камп и бројните шпекулации за иднината во националниот тим, од Португалската фудбалска федерација сега пристигнуваат значително помирни пораки. Претседателот на Федерацијата, Педро Проенса, потврди дека сакаат да ја решат ситуацијата внатрешно, без дополнително продлабочување на тензиите.

  • Федерацијата ги решава ситуациите интерно – порача Проенса.

Тој воедно посочи дека и понатаму е стабилен односот меѓу селекторот Жорж Жезус и Роналдо.

  • Повторувам: постои многу цврст однос меѓу Жорж Жезус и Кристијано Роналдо – изјави првиот човек на Федерацијата.

Токму следната негова реченица предизвика особено внимание.

  • Да не беше така, можеби Роналдо веќе ќе ја напуштеше нашата репрезентација – додаде првиот човек на Федерацијата.

Тој очекува наредните денови да бидат искористени за разговори, смирување на ситуацијата и за повторно воспоставување целосна хармонија во репрезентативниот табор.

  • Сè што ќе се случува во наредните денови ќе биде во знакот на мирот, разговорот и на дискусијата. Нашата желба е сите повторно да бидеме заедно со репрезентацијата во ноември – додаде тој.

Дополнителен сигнал дека приказната, можеби, оди кон смирување доаѓа и од португалскиот весник „А Бола“, кој објавува дека Жорж Жезус сака повторно да го повика Роналдо за ноемврискиот репрезентативен собир.

Тоа би значело дека селекторот, и покрај случувањата на последниот собир, и понатаму го гледа капитенот како важен дел од своите планови. Сепак, засега нема официјална потврда дека Роналдо го прифатил евентуалното враќање, ниту дека е донесена конечна одлука. Но, по шпекулациите дека би можел конфликтот да доведе и до крај на репрезентативната кариера на една од најголемите ѕвезди во историјата на Португалија, сигналите од Федерацијата сега се значително помирни.

Сите очи се вперени кон ноемврискиот собир и одговорот на Роналдо.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ