Поранешниот градоначалник на Општина Карпош, Стевчо Јакимовски, нема да се јави на издржување на затворската казна на 2 јули, откако поднел барање за одлагање на извршувањето на казната поради здравствени причини.
Од Основниот кривичен суд Скопје информираа дека по приемот на барањето, судијата за извршување на санкции започнал постапка за проверка на приложената медицинска документација. Воедно, побарани се и дополнителни информации од двете приватни здравствени установи кои ја издале документацијата.
Согласно член 144 од Законот за извршување на санкции, судијата има рок од 30 дена од приемот на барањето да ги провери наведените околности и да донесе одлука. До тогаш, почетокот на извршувањето на затворската казна се одлага.
Јакимовски требаше на 2 јули да се јави во затвор на издржување на едногодишната казна, на која беше осуден поради кривичното дело бесправно градење.
ИЗДВОЕНИ
СДСМ НЕМА НАМЕРА ДА СЕ ОТКАЖЕ ОД БЛОКАДАТА, Спасовски: Изборниот законик треба да се предоговара, не ја прифаќаме понудата за амандманска интервенција во неколку одредби
СЕРИОЗНО ПРЕДУПРЕДУВАЊЕ: Овој топлотен бран е генерална проба!
ИЗМЕНИТЕ ВО ИЗБОРНОТО ЗАКОНОДАВСТВО БЕЗ МЕЃУПАРТИСКИ КОНСЕНЗУС: Изборниот законик тргна во процедура, го чекаат две блокади
КОЛУМНА, ЗВОНКО ДАВИДОВИЌ: Како правосудството ни стана менталитет, а менталитетот ни го уби правото
