Општина Аеродром се приклучи кон одбележувањето на Европската недела на спортот, со активности насочени кон поттикнување на младите да создаваат здрави животни навики и да го направат спортот дел од своето секојдневие.
– Во рамките на иницијативата, ООУ „Димитар Македонски“ организираше низа спортски активности, при што се дружеа со учениците од ООУ „Гоце Делчев“, спортуваа и испратија силна порака за значењето на физичката активност, дружењето и на тимскиот дух – информираа општинските власти.
Тие додаваат дека Општината континуирано вложува во развојот на спортот и создава услови да бидат младите активни, да ги развиваат своите способности и да градат позитивни животни навики.
-Посветеноста кон спортот дава резултати, што се потврдува и со значајните успеси на спортистите и на спортските екипи од Аеродром на државно и на меѓународно ниво – потенцираат од локалната самоуправа.
Тие наведуваат дека продолжуваат да создаваат можности за спорт, рекреација и за активен живот за сите генерации, со цел да поттикнат здрава и активна заедница.
– Да се движиме, да спортуваме и заедно да ја шириме „биектив“ енергијата – порачуваат од Општина Аеродром.
ИЗДВОЕНИ
Граѓаните плаќаат 3.000 евра за квадрат, а добиваат стан со влага, мувла, без вентилација….
Македонскиот манималец точи 250 литри дизел, словенечкиот двојно повеќе
Нема лекарска грешка кај родилката од Струмица, причината најверојатно е спонтано крварење
Француски сенатори во Скопје – поддршка за евроинтеграцијата
