Синот на Виктор Орбан ги напушти Унгарските обранбени сили по изборите

Гаспар Орбан, син на унгарски премиер во заминување Виктор Орбан, е отпуштен од Унгарските одбранбени сили, објавија унгарските медиуми. Според извори на порталот 444.hu, Орбан, кој имал чин капетан, побарал отпуштање од војската пред парламентарните избори на 12 април, на кои партијата „Фидес“ на неговиот татко претрпе тежок пораз.

Гаспар Орбан, роден во 1992 година, студира право и првпат ѝ стана познат на јавноста како фудбалер. Играше како играч од средниот ред за Видеотон ФК Фехервар и Пушкаш Академија ФК, по што го основа харизматичното христијанско младинско движење „Фелхаз“, објави „Еуроњуз“.

Тој се приклучува на Унгарските одбранбени сили во 2019 година, а во 2020 година бил испратен на деветмесечна обука во елитната Кралска воена академија Сандхерст во Велика Британија.

Неговиот колега во академијата, капетанот Силвестер Палинкас, изјави за порталот „Телекс“ дека началникот на Генералштабот го повикал и рекол: „Морам да го нахранам, да му дадам вода и да се погрижам да ја заврши академијата, бидејќи ако не успее, ќе останеме без работа“.

Гаспар Орбан наводно ја осмислил унгарската воена мисија во Чад, која имала за цел да го запре протокот на мигранти во Европа. Наводно, им рекол на своите колеги во Сандхерст дека има „божествена инспирација“ да им помогне на христијаните во Африка.

Унгарија објави дека ќе испрати околу 200 војници во Чад во 2024 година за обука и поддршка на антитерористичките операции.

Мисијата предизвика збунетост во Унгарија, делумно затоа што земјата претходно немала значајни односи со Чад, а ветената помош од 200 милиони долари (170 милиони евра) се сметала за прекумерна за една од посиромашните членки на Европската Унија.

Капетанот Палинкас тврди дека воената мисија во Чад ја планирал Гаспар Орбан, тогаш наводно во ранг на генерал-полковник, и дека очекувал жртви од околу 50 проценти.

Ова тврдење го негираа и самиот Гаспар Орбан и министерот за одбрана Кристоф Салај-Бобровнички. Тие изјавија дека мисијата во Чад никогаш не се случила, иако била одобрена од парламентот.

Премиерот Виктор Орбан, исто така, ги отфрли обвинувањата како лажни, истакнувајќи дека поручниците во Унгарските одбранбени сили не можат да планираат мисии.