Се урива тобакото „Али“ на Бит Пазар

Се урива тобакото „Али“ кое се наоѓа на тротоар на Бит Пазар. Ова на Фејсбук го објави скопскиот градоначалник, Орце Ѓорѓиевски.

-Со добар збор и домаќински пристап, нема невозможно решение – напиша кусо тој.

Ѓорѓиевски во февруари најави засилени акции за отстранување на дивопоставените објекти низ градот кои низ годините биле изградени без соодветна документација, а со тоа тие узурпираат јавни површини, велосипедски и пешачки патеки, како и зелени зони.

-На Бит-пазар има објект поставен на велосипедска и пешачка патека, невозможно е да се функционира. Тој ќе биде отстранет. Секаде каде што имаме узурпација на државен простор ќе постапуваме – изјави тогаш скопскиот градоначалник.