Вработени во „Национални шуми“ од подружницата Голак од Делчево започнаа со активности за пошумување на опожарена површина на планината Голак, која во 2021 година беше зафатена од голем пожар.
Пошумувањето се реализира во рамки на Шумско-стопанската единица „Средна Обозна“, на локацијата викана Бозаковица, каде што се опфатени вкупно 20 хектари површина.
Територијата беше претходно целосно исчистена, подготвена за обнова и засадување на нови шумски насади, со што се создадоа услови за побрзо враќање на природната рамнотежа.
– Акцијата се спроведува со садници од багрем, јавор и јасен, кои се донација од Халкбанка. Со оваа донација се овозможува побрза и поефикасна ревитализација на шумскиот појас, како и враќање на природната рамнотежа во овој предел на планината Голак – информираа од делчевската подружница на „Национални шуми“.
Оттаму додаваат дека пошумувањето е дел од долгорочниот план на подружницата за заштита и обнова на шумскиот фонд, а според најавите, активностите ќе продолжат и во наредниот период.
– Целта е не само целосна обнова на површините зафатени од пожарите, туку и создавање здрав и одржлив шумски екосистем кој ќе придонесе за зачувување на природните ресурси и подобрување на животната средина во регионот – соопштија од делчевската подружница на „Национални шуми“.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
