Директниот канал за комуникација помеѓу специјалниот претставник на САД, Стив Виткоф, и иранскиот министер за надворешни работи, Абас Аракчи, е повторно активиран во последните денови, дознава „Аксиос“ од американските претставници, додавајќи дека фокусот на разменетите текстуални пораки бил на прекинување на конфликтот.
Американскиот претставник тврди дека Аракчи, всушност, се обидувал да воспостави комуникација, но навел за „Аксиос“ дека САД „не преговараат“ со Иран.
Од друга страна, како што објави „Ројтерс“ повикувајќи се на висок ирански функционер, иранскиот врховен лидер, ајатолахот Моџтаба Хамнеи, ги одбил предлозите за намалување на тензиите или за прекин на вооружениот конфликт со САД, кои Техеран ги добил преку две посреднички земји.
– Ставот на Хамнеи за одмазда кон САД и кон Израел е многу тврд и сериозен на првиот состанок посветен на надворешната политика – навел неименуваниот функционер, без да прецизира дали присуствувал Хамнеи на состанокот.
Изворот навел дека врховниот лидер изјавил дека „не е време за мир сè додека САД и Израел не клекнат на колена, не го признаат поразот и не платат отштета“.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
