Руски дрон погоди објект за складирање на потрошено нуклеарно гориво во близина на напуштената нуклеарна централа Чернобил во Украина, соопштија денес украинските власти, додавајќи дека нивото на зрачење на локацијата останало стабилно.
Во времето на нападот немало гориво
Во одделни изјави, главниот воен штаб на Украина и државната атомска агенција изјавија дека зградата за складирање била делумно уништена, но дека во времето на нападот таму не било складирано потрошено гориво.
Пожарот што следел е изгаснат и нема повредени.
Русите молчат
Русија не коментираше за наводниот напад врз објектот, кој се наоѓа на околу 15 км од нуклеарната централа Чернобил, местото на најлошата нуклеарна катастрофа во светот.
„Ова не е прв пат руските сили да ги доведат во опасност украинските нуклеарни објекти“, напиша украинскиот министер за надворешни работи Андриј Сибиха на мрежата X. „Руската нуклеарна уцена и заканите за нуклеарната безбедност се систематски, намерни и неприфатливи“, додаде тој.
Во февруари 2025 година, руски дрон ја оштети структурата за заштита над реакторот Чернобил, која беше уништена во експлозија и топење на нуклеарната централа во април 1986 година. Русија негираше одговорност.
Киев и Москва, исто така, разменија обвинувања во врска со нападот врз нуклеарната централа Запорожје, која е под руска окупација, во југоисточна Украина, најголемата во Европа.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Лек за душевно страдање
ПРЕСАДЕНИТЕ СРЦЕ И БУБРЕГ СПАСИЈА ДВА ЖИВОТА: Хуман чин на скопско семејство ја врати надежта во силата на дарувањето на органите
Коњско и Голем Град – дијалози со езерото што чува спомени и со островот што зборува со векови
Концерт на Јован Јованов и Елвир Мекиќ: Сензацијата во бело ја разбуди носталгијата на една генерација/ФОТОГАЛЕРИЈА
