Руска новинарка која пишуваше за наука и медицина осудена на 12 години затвор за наводно предавство

Градскиот суд во Москва ја осуди руската новинарка Дарија Шипачева на 12 години затвор за наводно предавство, додека Меѓународната и Европската федерација на новинари (МФЈ и ЕФЈ) побараа нејзино ослободување и ја осудија континуираната криминализација на новинарите во Русија.

Шипачева, која како фриленсер се занимаваше со научни и медицински теми и претходно соработуваше со публикациите на Форбс Русија и РБЦ, беше уапсена на 23 април 2025 година во нејзиниот стан во Москва.

Пред нејзиното апсење, таа добивала закани од ултранационалистичкото и мизогинистичко движење „Машка држава“ поради нејзините феминистички ставови, според МФЈ и ЕФЈ.

Science journalist Darya Shipacheva pleaded guilty and cooperated with investigators. A Moscow court just gave her 12 years anyway, exactly what prosecutors asked for.

The closed-door treason trial took 90 minutes, and no details were disclosedhttps://t.co/D5Z3MNLDbH pic.twitter.com/fpW733KvuN

— Mediazona (@mediazona_en) July 29, 2026

Судењето се одржало зад затворени врати, а деталите од обвинението не биле објавени.

Според достапните информации, постапката е покрената поради парична трансакција кон Украина.

Познаници на новинарката тврдат дека парите биле наменети за нејзин роднина кој живее во таа земја.

Шипачева се изјаснила за виновна и соработувала со истражителите.

Судот ја осуди на 12 години затвор, што е најниската казна за предавство, парична казна од 300.000 рубли и конфискација од приближно 1,56 милиони рубли.

IFJ и EFJ проценија дека новинарката е осудена врз основа на неосновани обвинувања по затворено судење кое траело околу 90 минути.

– Кремљ мора да престане да ги замолчува новинарите под лажни изговори. Дарија Шипачева и сите други притворени новинари мора да бидат ослободени – соопштија федерациите на новинари.