Министерот за здравство Азир Алиу уверува дека шесте реновирани хируршки сали на Клиничкиот центар, кои беа промовирани во април, ќе бидат пуштени во употреба на 30 јуни. Ова на министерот му било ветено од страна на странски експерти кои ги правеле проверките на протоколите за оперирање на пациенти.
„Откако ќе помине оваа верификациона постапка од странските експерти, треба да поминат уште три до четири дена , да се направат брисеви од страна на Институтот за јавно здравје кои треба три последователно да бидат негативни. Имаше забелешки од странските експерти еве на пример тоа за миење на раце било помало па требаше да се смени, има протокол за отпочнување на операции кој треба да се обезбеди, објасни Алиу.
Од шесте сали што се реновираа две се за ТОАРИЛУЦ, две за Клиниката за урологија и две за Детска хирургија. Треба да се реновираат уште 4 кои според Алиу ќе биле пасивни.
На промоцијата во април, директорот на ТОАРИЛУЦ, д-р Игор Мерџаноски рече дека проектот за 10 сали е направен во два дела поради тоа што не сакале да запре работата во терцијарното здравство. Проектот за обнова на 10 операциони сали чини вкупно 282 милиони денари или над 4,5 милиони евра. (П.А.)
ИЗДВОЕНИ
Опасна и експлозивна зона: Што е Огнениот прстен во Пацификот и зошто таму се концентрирани повеќето земјотреси во светот?
Историја за македонскиот тенис: Лина Ѓорческа прва Македонка на Вимблдон!
Наставниците кои се вишок ќе бидат асистенти со можност за продолжување
Жесток судир меѓу Филипче и Мицкоски во собраниската сала: „Нула резултати за две години“ наспроти „Требаше да сте зад решетки“
