Општина Македонска Каменица успешно ја заврши целосната реконструкција на спортската сала во гимназијата „Миле Јаневски – Џингар“. Градоначалничката на Општина Македонска Каменица, Соња Стаменкова, и официјално го означи завршувањето на градежните активности.
Со реконструкцијата се создадени подобри услови за одржување на наставата по физичко образование, како и за спортски и рекреативни активности на учениците.
– Секое вложување во образовната и спортската инфраструктура е директна инвестиција во иднината и развојот на младите – истакна Стаменкова.
Паралелно со овој проект, како што најави таа, започна и изградбата на ново јавно осветлување на улицата „28 Август“.
– Градежните активности опфаќаат и комплетно осветлување на паркинг-просторот лоциран помеѓу основното општинско училиште „Св. Кирил и Методиј“ и паркот на Рудари – објасни Стаменкова.
Според предвидениот план, се очекува градежните работи за новото осветлување да завршат до средината на декември, со што дополнително ќе се зголеми безбедноста и ќе се подобрат комуналните услови за сите жители во овој дел од градот.
ИЗДВОЕНИ
Оригиналните печатарски букви на ВЕЧЕР, сега во дигитален фонт! – Креативна роденденска честитка на Арно.мк
Ќе се гради и со нерешени имотни односи, а проекти ќе заверуваат и инженери со само една година искуство
Граѓаните се борат со поскапувањето, а партиите со спротивставено толкување на инфлацијата
Камери и на граничниот премин Блаце, полицијата ќе снима и во движење
