Во Абу Даби на иста маса се собраа претставниците на САД, Украина и на Русија, на трилатерални преговори за завршување на војната во Украина.
На почетокот од разговорите, шефот на руската делегација, Владимир Медински, изрази надеж дека таа средба, која се уште е во тек по 40 минутна пауза, ќе овозможи напредок кон мир.
Портпаролот на Кремљ, Дмитриј Песков, одби да коментира за деталите од трилатералните преговори и ги повика учесниците да не даваат прогнози додека не завршат. На прашањето дали очекува Москва конкретни договори по првата рунда преговори, тој рече дека не сака да одговара на такви прашања.
Пред да седнат на преговарачка маса, претставниците на САД ја разгледуваа идејата за компромис меѓу Москва и Киев со географски трик – прецртување на границите на украинските региони Донецк и Луганск, така што рускиот претседател, Владимир Путин, може да тврди дека има 100 отсто контрола врз двата региони без вистински победи на фронтот, објави „Економист“, повикувајќи се на американски дипломатски извори. Друга отстапка што се подготвени да му ја понудат САД на Кремљ е враќањето на Русија на европскиот енергетски пазар, спротивно на сегашното законодавство на ЕУ.
ИЗДВОЕНИ
Ќе се гради и со нерешени имотни односи, а проекти ќе заверуваат и инженери со само една година искуство
Граѓаните се борат со поскапувањето, а партиите со спротивставено толкување на инфлацијата
Камери и на граничниот премин Блаце, полицијата ќе снима и во движење
Обвинителот бара извинување од Ива Михаилова, која на поткаст кажа дека ѝ барал пари
