Пукање на фестивал во Охајо, 12 повредени: Вооружените напаѓачи се сѐ уште на слобода/ВИДЕО

Најмалку 12 лица се повредени во пукотница во близина на летниот фестивал Олд Вест Енд во Толедо, Охајо, а осомничените вооружени лица сѐ уште се на слобода, соопштија локалните власти.

Според полицијата, пукотницата започнала кратко по 17:30 часот по локално време, а во инцидентот учествувале најмалку двајца вооружени лица за кои се верува дека пукале едни кон други, објави NBC. Заменик-шефот на полицијата во Толедо, Џозеф Хефернан, изјави дека две лица се во критична состојба.

Повредените се на возраст од 14 до 60 години, а повеќето од жртвите се во раните 20-ти години.

Неколку стотици луѓе биле на фестивалот во времето на пукотницата.

Годишниот настан е познат по музиката, храната и забавата за семејствата и децата.

Полицијата соопшти дека истрагата е во рана фаза и дека истражителите разговараат со жртвите и сведоците и ги прегледуваат снимките од безбедносните камери.

Хефернан рече дека за време на фестивалот биле распоредени дополнителни полицајци, приватно обезбедување и мобилни безбедносни камери.

Гувернерот на Охајо, Мајк ДеВајн, изјави дека е длабоко загрижен за инцидентот, велејќи дека летните фестивали треба да бидат безбедни места за семејствата и заедницата.

Здружението „Олд Вест Енд“ соопшти дека преостанатата програма на фестивалот закажана за денес, ќе биде откажана.

🚨#BREAKING: MULTIPLE PEOPLE HAVE BEEN SHOT AT THE OLD WEST END FESTIVAL IN TOLEDO OHIO.

ABSOLUTE PANIC AS PEOPLE RUSHED FOR COVER, POLICE ARE ON SCENE, MEDICS ARE ATTENDING THE WOUNDED.

SH00TER IS STILL ON THE LOOSE!!!!

WE DO NOT HAVE TO LIVE LIKE THIS!!!!!!!! pic.twitter.com/D4cmSQgctU

— Matt Van Swol (@mattvanswol) June 7, 2026