Општина Бутел продолжува со интензивни градежни активности во населбата Скопје Север, каде во тек е изградба на нови пристапни и пешачки патеки, како и уредување на нов паркинг простор.
Во рамки на градежните активности се реконструираат пристапните влезови на станбените згради на улиците: „Боро Менков“, „Лазо Москов“, „Гоце Стојчевски“ и „Костурска“.
-Со реализацијата на овие активности се создаваат побезбедни, поуредни и полесно достапни простори за граѓаните и се подобрува инфраструктурата во овој дел од општината.
