Преку кредитната линија позната како „унгарски кредит“ досега се пласирани 230 милиони евра за поддршка на домашните компании и претприемачи. Кредитите се со каматна стапка од 1,95 проценти, три години грејс-период и рок на отплата до 12 години, изјави премиерот Христијан Мицкоски.
Според Мицкоски, овие средства ќе поттикнат нови инвестиции и развој на домашната економија.
Тој посочи дека индустријата веќе бележи пораст од околу 7,5 проценти во април споредено со истиот период лани, оценувајќи дека владините економски политики даваат резултати.
