Правда, што беше тоа?

Случаите со допинг на Италијанецот Јаник Синер и на Полјачката Ига Швионтек, од една страна, и Чехинката Маркета Вондрушова, од друга страна, се далеку од исти, но кога ќе се спореди сè, јасно може да се види дека нешто не е токму така како што треба.

Во случајот на Ига и на Јаник, беше утврдено дека имало контаминација и дека количините на забранети супстанции пронајдени во нивните тела не биле доволни за да влијаат на настапите.

Дури и да кажеме дека се фер нивните казни, и барем начинот на кој беа донесени и кога и како беа спроведени, сè уште се поставува истото прашање.

Синер беше суспендиран три месеци, а Швионтек еден и, можеби, полошо од тоа е што Италијанецот беше суспендиран токму за да не пропушти ниту еден грен-слем, дури ни мастерсот во Рим, додека Полјачката избра кога ќе биде суспендирана: во декември, кога практично не се игра професионален тенис.

Чехинката не одбила нормален допинг-тест, туку одбила да биде тестирана надвор од времето што го означила во апликацијата, како и кога ќе биде на наведената локација, подготвена за тестирање.

Секој ден, играчите мора да кажат одредено време кога ќе бидат на одредена локација, а оние што тестираат можат случајно да дојдат кој било ден.

Сепак, дамата од антидопинг-агенцијата дошла надвор од времето што било наведено од Вондрушова, па тенисерката рекла дека не знае што точно се случува и затоа одбила да биде тестирана во тоа време, кое не било претходно одобрено од неа.

На крајот, се покажа дека и луѓе од антидопинг-агенциите можат да дојдат, жаргонски кажано, кога ќе посакаат, а за Вондрушова ќе беше попрофитабилно да се преправа дека е „мртва“, бидејќи ако не се јавеше на телефонот/ѕвончето, ништо немаше да се случи. Таа дури и немаше да добие минус за тоа што не била на локацијата каде што рекла дека ќе биде, бидејќи не мора да биде таму надвор од временската рамка што ја навела.

Да се додаде сол на раната, дури и да го добиеше тој еден минус, ѝ требаат дури три годишно за да добие суспензија од максимум една и пол година, обично помалку… а вака доби четири години, по што се поставува прашањето: Правда, што беше тоа?