Пожарникарите во Португалија се справуваат со голем пожар во близина на селото Рабаса, во северниот округ Гварда, недалеку од границата со Шпанија, објави Би-Би-Си.
Португалскиот институт за море и атмосфера (IPMA) издаде црвена тревога поради многу висок ризик од пожар за голем дел од земјата. Во некои области е на сила највисокото ниво на тревога.
За потсетување, ситуацијата во Франција и Шпанија е малку подобра отколку во претходните денови, но пожарите сѐ уште се многу сериозни. Вчера во Жиронда изгореа уште 500 хектари, но пожарникарите велат дека денот бил поповолен и дека новите жаришта се претежно под контрола.
Пожарот досега уништи 240 куќи, повреди вкупно 88 пожарникари, а на терен се 2.750 пожарникари, 18 воздухопловни средства, 1.500 војници и 1.440 припадници на безбедносните сили. Загина и еден волонтер (38).
