ВОНРЕДНА СОСТОЈБА: Бугарија по верижниот судир ги мобилизираше сите расположливи сили

Прогласена е вонредна состојба во три општини во регионот Јамбол, по голем верижен судир на бугарскиот автопат „Тракија“. Надлежните органи ги мобилизираа сите достапни човечки и технички ресурси од регионите Јамбол, Сливен и Бургас за справување со последиците од несреќата и за помош на повредените. Во спасувачката операција е вклучен и воен транспортен авион од типот „Спартан“, пренесува порталот Novinite.bg.

Одлуката за прогласување делумна вонредна состојба се однесува на општините Јамбол, Тунџа и Стралџа. Наредбата ја издаде регионалниот гувернер Георги Чалаков, а мерката стапи на сила на 10 ноември во 7:30 часот наутро, соопшти регионалната администрација.

🚨🇧🇬 At least 11 people have been KILLED and 48 injured in southeastern Bulgaria, after two massive motorway pile-ups involving more than 50 vehicles.

The crashes occurred on the Trakia motorway near Yambol, where dense fog reportedly reduced visibility to just 30 metres.

The poor visibility caused the pile-ups a few kilometres apart, one in each direction of the motorway connecting Sofia to the Black Sea city of Burgas.

Bulgarian PM Radev has cancelled his engagements as authorities shut down the motorway in both directions between the Zimnitsa and Kabile junctions.

The tragedy comes as Bulgaria continues to rank among the EU’s deadliest countries for road accidents.

Source: Euronews / Writer: Mhedi https://t.co/7syICJznDp

— Mario Nawfal (@MarioNawfal) November 10, 2026

Вонредната состојба е прогласена поради обемот на сообраќајната несреќа и големата материјална штета што настанала како последица на верижниот судир.

Мобилизирани се службите за итни случаи и спасувачките тимови.

Одлуката на регионалните власти опфаќа низа итни мерки насочени кон ублажување на последиците од несреќата и заштита на населението.

Овие мерки вклучуваат навремено информирање на граѓаните преку националниот систем за рано предупредување и платформата „BG-ALERT“, како и ставање во подготвеност на неопходната тешка механизација и дополнителен персонал.

Раководењето со спасувачката операција му е доверено на комесарот Иван Динев, директор на Регионалната дирекција за заштита од пожари и заштита на населението во Јамбол.

На местото на настанот моментално се наоѓаат полициски службеници, пожарникари и екипи на итната медицинска помош. Повредените се пренесени во три града.

Поради сериозноста на ситуацијата, од регионите Јамбол, Сливен и Бургас се испратени дополнителни медицински и спасувачки екипи.

Повредените се превезуваат во болници во овие три града, каде што им се укажува неопходната медицинска помош.

Надлежните служби продолжуваат со работа на терен, при што се ангажирани сите расположливи ресурси за справување со последиците од една од посериозните сообраќајни несреќи на автопатот „Тракија“.