Седумкратниот шампион во Формула 1, Британецот Луис Хамилтон, изјави дека не сака да ја заврши кариерата без да се трка во Африка, повикувајќи ги челниците на шампионатот да им дадат право на домаќинство на некоја од земјите на овој континент.
- Се борам зад сцената во последните шест или седум години за да добијам Гран при на африканскиот континент. Разговарав со различни луѓе и го поставив прашањето: Зошто не сме во Африка? Местото што најмногу ми се допаѓа е Кенија, ја обожавам. Не мислам дека ќе имаме Гран при во Кенија, но Руанда би била спектакуларна. Тоа се две места на кои би можел да замислам да живеам. Јужна Африка е прекрасна, рече Хамилтон, кој вози за Ферари од минатата година.
Формула 1 последен пат се тркаше во Африка во 1993 година во Кјалами, во близина на Јоханесбург. Возачот на Вилијамс, Ален Прост, славеше на трката, освојувајќи ја својата четврта светска титула таа година во неговата последна сезона. Патеката беше отстранета од календарот по таа сезона, а инфраструктурата заостана.
ИЗДВОЕНИ
Силјановска Давкова го прогласи фестивалот за отворен: Шест децении сцената на МТФ „Војдан Чернодрински“ е простор на највисоки дострели на македонската театарска уметност
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
