Јавното претпријатие „Комунална хигиена“ викендов започна со сезонското машинско миење на булеварите и поголемите скопски улици, со употреба на автоцистерни.
Од претпријатието информираат дека машинското миење се реализира со цел одржување на највисокото ниво на хигиена и чистота на јавните и сообраќајните површини во градот и дека значително придонесува за намалување на загадувањето на амбиенталниот воздух.
– Активностите ќе се одвиваат во доцните вечерни часови, кога е намалена фреквенцијата на возила и на пешаци на улиците – нагласуваат од ЈП „Комунална хигиена“.
Оттаму додаваат и тоа дека во текот на изминатиов викенд, непознати сторители опожариле четири сада за фрлање отпад лоцирани на улицата „Невена Георгиева-Дуња“, во Општина Кисела Вода.
– Сите опожарени контејнери се целосно уништени и неупотребливи. Со цел да не се наруши динамиката на фрлање, собирање и транспорт на комуналниот отпад, ЈП „Комунална хигиена“ во најкус можен рок ги замени опожарените садови со нови – објаснија од претпријатието.
Притоа, наведуваат дека минатата година биле запалени вкупно 27 сада наменети за фрлање комунален отпад, додека само од почетокот на годинава се опожарени 11 контејнери.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
