Почна да се работи на уште една локација во Битола, во новата градежна сезона. Станува збор за изградбата на спортски игралишта во дворот на ОУ „Даме Груев“, што е проект од вториот владин повик, преку Министерството за образование и наука.
Toa ќе бидат отворени повеќенаменски игралишта во училишниот двор, и тоа терени за ракомет, кошарка и за одбојка, со вкупна површина од 1.311 квадратни метри. Проектот предвидува поставување и на тартан-подлога со дебелина од 13 милиметри, а вкупната асфалтна површина ќе биде 2.081 квадратен метар.
Околу терените ќе биде направена и пешачка патека со бехатон, на површина од 294 квадратни метри, асфалтирање на пристапниот дел до игралиштата, паркинг-простор, хортикултурно уредување и поставување урбана опрема.
Вкупната сума на проектот е 15.507.414 денари.
– И ова училиште се приклучува кон другите основни училишта што ќе имаат нови спортски терени, што е заложба на Општина Битола – учениците да имаат модерни и современи услови за спортски активности – соопштија општинските власти.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
