Ова е напаѓачот од училиштето во Турција! Објавил застрашувачка закана воочи пукањето?/ФОТО

Напаѓачот кој влезе во средното стручно и техничко училиште „Ахмет Којунџу“ во населбата Сиверек во Шанлиурфа со пушка, отвори оган, а потоа си го одзеде животот, е идентификуван како 19-годишниот Омер Кет.

Кет наводно објавил заканувачки пораки на социјалните мрежи пред инцидентот.

Како што пренесоа турските медиуми напаѓачот пред пукањето наводно објавил: „Подгответе се. Ќе има напад врз ова училиште за неколку дена“.

Saldırıyı gerçekleştiren 2007 doğumlu Ömer Ket’in bir süre önce sosyal medya hesabından okulun Instagram hesabındaki paylaşıma tehdit içerikli yorumlar yaptığı ortaya çıktı:

“Hazır olun bu okulda bir kaç gün sonra saldırı olucak hazır olun kunduzlar” https://t.co/RYr4qhFIND pic.twitter.com/40gBPJowpQ

— Aykırı (@aykiri) April 14, 2026

Утврдено е дека напаѓачот бил поранешен ученик на училиштето, кое го посетувал само до деветто одделение, а потоа се запишал во отворената програма за средно училиште, објави „Хуриет“.

Како што објави „Дејли меил“, поранешниот ученик прво се забарикадирал во училиштето, а по неуспешни преговори, извршил самоубиство.

Гувернерот потврди дека напаѓачот немал претходно криминално досие и дека училиштето претходно било класифицирано како безбедно од полицијата.

Турскиот Си-Ен-Ен објави дека некои од повредените ученици скокнале од прозорци за да избегаат од вооружениот напад. Според сведоците, напаѓачот влегол во дворот на средното училиште со пушка и отворил оган.

– Прво пукал во дворот, а потоа пукал директно во училиштето – изјавил тој за „Туркије Тудеј“.

Öğrenciler okuldan tahliye edilirken, olay yerine çok sayıda sağlık ve özel harekat polisi sevk edildi.pic.twitter.com/9U2IKEizwv

— NewsByStewie (@Yusufofisil) April 14, 2026

Друг очевидец рекол дека видел млад човек со оружје со долга цевка непосредно пред да започне хаосот.

– Извадил оружје и почнал да пука. Пукал во секого кој му се нашол на патот – додаде тој.

School shooting rampage leaves at least 18 injured as pupil opens fire with hunting rifle in Turkey

A former student opened fire with a hunting rifle at Ahmet Koyuncu Vocational and Technical Anatolian High School in Siverek, Turkey.

The 18-year-old gunman stormed the grounds,… pic.twitter.com/98nSGUH2Hy

— Grifty (@TheGriftReport) April 14, 2026

Учениците и наставниците биле итно евакуирани, а голем број припадници на специјалните сили се пред училиштето. Ранетите ученици биле однесени во болници.

Во инцидентот биле повредени 16 лица: четири наставници, 10 ученици, еден полицаец и еден работник во кафетерија.

За среќа, немало жртви. Некои од повредените, чија здравствена состојба била оценета како умерена, биле префрлени во болници во центарот на градот. Лекувањето на другите 12 повредени во моментов продолжува во Државната болница Сиверек, пишува Милијет.

⚪️ Şanlıurfa’nın Siverek ilçesinde düzenlenen saldırının, 16 yaşındaki bir öğrenci tarafından gerçekleştirildiği bildirildi. (Sözcü)

Olayda 18 kişinin yaralandığı, yaralılardan 4’ünün durumunun ağır olduğu aktarıldı. https://t.co/Jc7iSn2hgn pic.twitter.com/I6Jn0n7GlX

— SİYAH SANCAK (@siyahsancakx) April 14, 2026

Мотивот за пукањето сè уште не е познат. „Дејли меил“ пишува дека пукањата во училиштата во Турција се многу ретки.

Безбедносните сили ги евакуираа повеќето ученици од училиштето. Покрената е истрага.