Универзитетската библиотека „Св. Климент Охридски“ – Битола промовира изложба на книги посветена на 26 јануари, прогласен од Обединетите нации за Светски ден за едукација за заштита на животната средина.
-Ние имаме само една планета и колку повеќе ќе ја чуваме толку повеќе ја оставаме за идните генерации. 26 јануари е потсетник за тоа какви програми за едукација се потребни на глобално ниво – посочија од Универзитетската библиотеката во Битола.
Оттаму додаваат дека изложбата е дел од активностите кои ќе ги реализира библиотеката за подигнување на свеста и едукација за заштитата на животната средина.
Изложбата е отворена секој ден и посетителите може да погледнат и изнајмат книги публикувани на македонски и англиски јазик.
Во изложбениот салон на библиотеката изложени се книгите „Човекот, водата и животната средина“ на авторот Милош Змејковски, „Дипломатија на животната средина“ од Лоренс Е. Саскинд, „Геологија за инженери и стручњаци за животна средина“ од Аланд Кехју, „Заштита на животната средина“ од Милто Мулев, Зборник на трудови во издание на МАНУ, истражувачки центар за животна средина и материјали, детска илустрирана енциклопедија за екологија и други енциклопедии посветени на екологијата.
ИЗДВОЕНИ
Велики поклади или Прочка – Ден на меѓусебно простување помеѓу верниците пред почетокот на велигденскиот пост
Бремена девојка 15 часа била држена заклучена и тепана во Свети Николе – Обвинение и предлог притвор за 21-годишник
Закана за терористички напад преку „Discord“ – 20-годишник од Мала Речица во притвор
Македонија во ЕУ во 2027 – историска шанса или ново разочарување?!
