Општ хаос во Албанија, oклопни возила пред парламентот, полицијата пука со водени топови/ФОТО/ВИДЕО

И денеска продолжија протестите пред албанскиот парламент, каде што граѓаните се собраа да протестираат против албанскиот премиер Еди Рама и неговата влада, одговарајќи на повикот на организаторите протестот да се одржи паралелно со пленарната седница на парламентот. Според албанските медиуми, полицијата употребила солзавец, бибер спреј  водни топови.

Граѓаните се собраа пред парламентот од раните утрински часови, а веднаш по почетокот на седницата околу 10 часот, беа регистрирани првите инциденти, вклучувајќи фрлање јајца и брашно врз пратениците и обиди за пробивање на полицискиот кордон, објавува Коха.

The police responded with widespread violence today, on the 33rd day of protests in Albania, where demonstrators are demanding the resignation of Prime Minister Edi Rama and his government.#Tirana #Albania pic.twitter.com/ygGr0prR9f

— Isa Myzyraj (@IsamyzyrajAlb) July 2, 2026

Граѓаните носеа транспаренти со пораките „Време е за будење“ и „Еден народ, еден глас, една иднина“, додека некои демонстранти влегоа и во блискиот ресторан каде што беа пратениците и фрлаа јајца и брашно врз нив.

Ситуацијата дополнително ескалираше по завршувањето на пленарната седница, кога демонстрантите ги блокираа влезовите и излезите на парламентот, спречувајќи го поминувањето на службените возила.

За да воспостави контрола врз ситуацијата, полицијата интервенираше користејќи солзавец, бибер спреј и водни топови, формирајќи безбедносен коридор за возилата да излезат од зградата на парламентот, објавува „Албаниан пост“.

🚨🇦🇱LIVE: Police attack protesters after they threw eggs at the cars of MPs and government ministers in Tirana, Albania

⚡️The protests against Albania's political establishment are a continuation of the movement opposing the land grab, the sale of Sazan Island to Kushner, and… pic.twitter.com/NsQYSJq7WJ

— Anonymous TV 🇺🇦 (@YourAnonTV) July 2, 2026

По интервенцијата, на службените возила им беше дозволено да се повлечат, вклучувајќи го и возилото на претседателот на Собранието Нико Пелеши.

За време на интервенцијата, се појавија нови тензии, при што демонстрантите извикуваа слогани и фрлаа предмети кон полициските сили, додека полицијата приведе неколку лица, но официјалниот број на приведени не беше објавен.

Според извештаите на медиумите, приведени се осум лица.

Ситуацијата дополнително се влоши кога некои од демонстрантите се обидоа да ја пробијат металната ограда и полицискиот кордон околу парламентот.

BREAKING 🚨 – Massive clashes outside the Albanian Parliament! The situation escalated dramatically after police fired tear gas at protesters throwing eggs. Dozens of detentions and injuries reported. #flamingorevolution #Albania 🇦🇱🦩 https://t.co/Bg7qSE9vOZ pic.twitter.com/v8qIiOMebU

— Tirana Report (@Tirana_Report) July 2, 2026

Тројца полицајци беа повредени во судирите и однесени во болница на лекарска помош, додека неколку демонстранти исто така побараа лекарска помош поради ефектите од солзавецот.

Безбедносните мерки околу парламентот беа засилени уште пред почетокот на седницата, вклучително и распоредување на оклопни возила и водни топови.