Open AI во тајност поднела барање за излегување на берза – вредноста до трилион долари

Компанијата за вештачка интелигенција Open AI соопшти дека во тајност поднела барање за почетна јавна понуда со потенцијална проценка до 1 трилион долари, приклучувајќи се кон конкурентот Anthropic во трката за привлекување на капитал.

Законите за хартии од вредност во САД им дозволуваат на компаниите да поднесуваат нацрт-апликации за IPO во доверлива форма. Ова значи дека јавноста, конкурентите и медиумите не можат да ги видат нивните детални финансиски извештаи, трговски тајни и проценки на ризикот до вистинскиот датум на IPO-то.

Open AI одлучи да ги објави информациите сепак, бидејќи очекува дека тие сепак ќе протечат во медиумите.

Менаџментот забележа дека точниот термин на IPO-то сè уште не е утврден, а Ројтерс објави дека тоа би можело да се случи во септември.

Open AI, исто така, објави широка филозофска изјава, така да се каже, за својата мисија, визија за развој на вештачка општа интелигенција (AGI) и верувањето дека технологијата мора да му служи на целото човештво.

Компанијата собра 122 милијарди долари во најголемата рунда на финансирање во историјата на Силиконската долина кон крајот на март, но проценките покажуваат дека планира да потроши иста сума само за истражувачка компјутерска моќ во 2028 година, објавува Tech Crunch.

Проекциите сугерираат дека компанијата ќе изгуби 85 милијарди долари таа година и покрај удвојувањето на продажбата, што значи дека Open AI сега бара од јавните инвеститори да купат акции за да поддржат бизнис кој нема да биде профитабилен најмалку четири години.

Anthropic и SpaceX исто така наскоро доаѓаат на берзата, компании кои исто така бараат огромни инвестиции, што значи дека пазарите ќе видат понуди со висок ризик кои не се видени од бумот на дот-ком кон крајот на 1990-тите, пренесува Танјуг.