Од „европската храна“ во Тиват, Вучиќ си дојде на „домашно – кулен, колбаси и сланина“: Се вратив во Србија и не можам да ја сокријам среќата/видео

Српскиот претседател Александар Вучиќ им се заблагодари на сите во Србија кои го поддржаа во изминатите 48 часа, а особено на Србите во Црна Гора кои застанаа покрај него во, како што рече, тешките моменти, објавува 021.rs.

Вучиќ ја изрази својата благодарност на својот „Инстаграм“, за време на престојот во Палиќ во близина на Суботица, каде што разговараше со членови на Младинската академија и Фондацијата за српскиот народ и држава, и по враќањето од Тиват, каде што учествуваше на самитот ЕУ-Западен Балкан.

„Одлучив денес, бидејќи бев гладен, и не јадев ништо од утрово, а во Црна Гора ја имаше сета оваа европска храна, како да ви објаснам… Тука има колбаси, кулен, сланина, козјо сирење, има сè“, рече Вучиќ.

 

View this post on Instagram

 

A post shared by Aleksandar Vučić (@buducnostsrbijeav)

Тој додаде дека е особено горд на младите луѓе кои секогаш и насекаде се подготвени да учат, кои се подготвени да се борат за Србија и кои се подготвени да ги бранат и заштитат националните интереси.

Зборувајќи за просторот на Младинската академија и центарот на Фондацијата за српскиот народ и држава, претседателот на Србија изјави дека тука се собираат луѓе кои работат напорно, учат и разменуваат искуства.

„Се вратив во Србија и не можам да ја сокријам мојата среќа. Заедно со вистинските европски вредности, сланина, колбаси, кулен, уживам во тоа со пријатели од Младинската академија и Фондацијата за српскиот народ и држава“, нагласи Вучиќ.