Демонстрантите во Тирана денес фрлија голем број молотови коктели врз полицискиот кордон што ја обезбедува зградата на Министерството за образование, додека полицијата употреби водени топови во обид да ги растера демонстрантите, пренесува „Еуроњуз“.
По неколкучасовен отпор пред Министерството за образование, кога започна силен дожд, демонстрантите се упатија кон канцеларијата на премиерот Еди Рама, барајќи негова оставка.
На протестот имаше неколку епизоди на тензии меѓу полицијата и демонстрантите, кои запалија канти за отпадоци и фрлаа камења и молотови коктели кон нив.
Откако демонстрантите се повлекоа, експертите за судска медицина пристигнаа пред Министерството за образование за да соберат докази за настаните за време на протестот.
Рама повторно ги повика демонстрантите на дијалог во петок.
Рама објави слики од столчиња поставени пред Канцеларијата на премиерот на социјалните мрежи, повикувајќи на разговори со студентите, додека ја исклучува можноста за негова оставка.
Протестите во Тирана се одржуваат 19-ти ден по ред како дел од студентските и граѓанските собири што траат неколку недели и бараат оставка од премиерот и промени во политичкото раководство на земјата.
🚨 Tensions flare again at protests in Albania, where citizens’ primary demand is the removal of both PM Rama and opposition leader Berisha. https://t.co/zGg6ezczwF
— Tirana Report (@Tirana_Report) October 31, 2026
ИЗДВОЕНИ
Повторно ќе им се суди на директорите за пожарот во Модуларната болница
За аферата со очната установа: Болницата реагира дека нема оштетени, поранешен пациент им враќа, не ми дадовте извештај и баравте кеш
Три пресметки за животниот стандард, една реалност – македонските плати најниски во Европа
Македонија поместува планини за милиметар напред, Бугарија со закована позиција
