Општина Карпош почна со поставување нова атмосферска канализација на улицата „Волгоградска“ во населбата Карпош 4.
Притоа, објаснуваат дека е предвидено поставување атмосферска мрежа во должина од 60 метри, со што, како што велат, ќе се унапреди системот за одведување на атмосферските води и ќе се подобри функционалноста на инфраструктурата во овој дел од населбата.
Активностите се реализираат со средства обезбедени во буџетот на Општина Карпош, во рамките на инвестициите насочени кон подобрување и модернизација на комуналната инфраструктура.
Општина Карпош продолжува со реализацијата на проекти на своја територија, со цел создавање поквалитетни и пофункционални услови за живот на граѓаните.
