Во горната зона во Радишани е изгаден спортско-рекреативен центар.
Новиот спортски комплекс се протега на површина од 2.500 квадратни метри и содржи ново фудбалско игралиште со вештачка трева, кошаркарско игралиште, нови трибини и столчиња, нова метална ограда и лед осветлување.
Од Општината Бутел информираат дека истовремено е реконструирано и проширено детското игралиште и е поставена нова урбана опрема.
-Општина Бутел се менува. Локалната самоуправа инвестира и создава можности за редовно практикување на спорт на сите граѓани – нагласуваат општинските власти.
