Нов асфалт за улицата „3“ во Дељадровци

Општина Илинден интензивно продолжува со реализација на  активностите за реконструкција, рехабилитација и изградба на локалната патна инфраструктура, во согласност со утврдените приоритети и потребите на граѓаните, при што е извршено асфалтирање на дел од улица „3“ во населеното мести Дељадровци, во вкупна должина од 350 метри.

-Продолжуваме со реализација на проекти кои се од директно значење за граѓаните и за подобрување на условите за живеење во сите населени места. Реконструкцијата на локалните улици е еден од нашите приоритети, а и во наредниот период ќе продолжиме со санација и унапредување на патната инфраструктура, согласно потребите и приоритетите на граѓаните – истакна градоначалникот на Општина Илинден, Александар Георгиевски, кој изврши увид во тековните активности.

Општина Илинден останува посветена на рамномерен развој и подобрување на условите за секојдневно одвивање на сообраќајот, унапредување на локалната патна мрежа и зголемување на безбедноста на сите учесници во сообраќајот.