Огромно разочарување ја зафати германската репрезентација по нивната елиминација од Светското првенство. Иако важеше за апсолутен фаворит, Германија беше поразена од Парагвај по пенал рулетот со 5:4. Голманот Мануел Нојер даде изјава за „Магента ТВ“ веднаш по натпреварот, а во интервју со новинарот Томас Вагнер, видливо потресен, откри што се случило во соблекувалната.
Кога го прашаа дали некој во соблекувалната воопшто проговорил или тагата е, едноставно, преголема, Нојер одговори со смирен, но разочаран тон.
„Да, тренерот ни кажа неколку збора, но инаку, секако, е многу тивко. Сите се разочарани и тажни поради елиминацијата“, изјави членот на Баерн (М).
Германскиот голман потоа јасно објасни каде ја гледа вината за елиминацијата од СП 2026.
„Едноставно, немавме удар да го решиме натпреварот во наша корист денес, а немавме ни малку среќа“, истакна Нојер.
Нојер ја погоди срцевината на проблемот, бидејќи Германија ретко наоѓаше решенија во нападот и ѝ недостасуваше решителност пред противничкиот гол. По раната елиминација од СП 2026 има големо разочарување во целиот германски тим, разговорите во соблекувалната беа кратки, а главите наведнати.
ИЗДВОЕНИ
Морињата никогаш не биле потопли: Светот влегува во „непозната територија“, предупредуваат научниците
Премиерот Мицкоски го соопшти предлог составот на неговиот нов Владин кабинет
Компромисот за деблокадата на Изборниот законик во рацете на координаторите
Асистентка уапсена по пријава на студент од Турција: фатена со обележани сто евра
