Украина не треба да напредува кон членство во ЕУ побрзо од земјите од Западен Балкан кои подолго време се во процесот на европска интеграција, изјави денес словачкиот премиер Роберт Фицо по разговорите со претседателот на Европскиот совет, Антонио Кошта, во Братислава.
Фицо рече дека Словачка го поддржува проширувањето на ЕУ и членството за сите земји кои ги исполнуваат потребните услови, но дека истите правила мора да важат за сите кандидати.
„Нема исклучоци и нема кратенки. Ова важи и за Украина“, рече Фицо, додавајќи дека Украина не може да оди побрзо од Црна Гора, ниту да ги престигне Албанија или Србија, кои подолго време се подготвуваат за членство, пренесува TASR.
Тој наведе дека словачката влада е подготвена да ги сподели сите искуства што ги стекнала од сопствениот процес на интеграција, но на Украина не треба да ѝ се даваат исклучоци во овој поглед.
„Словачката влада ќе биде апсолутно строга по ова прашање“, нагласи Фицо.
Претседателот на Европскиот совет, Антонио Кошта, кој денес ја започна турнејата низ главните градови на ЕУ, рече дека Унијата треба да продолжи да ги поддржува Западен Балкан, Молдавија и Украина на нивниот пат кон членство, со процес базиран на заслуги и еднаков третман на сите кандидати.
ИЗДВОЕНИ
КОЛУМНА, ГОРДАН ЈОРДАНОВ: Може ли словенското помирување да ја спаси Европа од нова голема војна?
Мицкоски: Јас би бил најсреќен ако Американците ги затегнат условите за иселенички визи, оваа Влада сака да ги врати иселениците
Димитријевиќ се враќа за Македонија: „Последна шанса за Евробаскет“
Мицкоски за „Брајтбарт њуз“: Кога на Америка ѝ беа потребни сојузници, мојата земја не се криеше во толпата
