Украинскиот претседател Володимир Зеленски објави снимки од напади со украински беспилотни летала врз рафинерија за нафта во Русија и врз неколку летала стационирани на воен аеродром во Ростов.
Како што соопшти самиот Зеленски – а подоцна потврди и Генералштабот на вооружените сили на Украина – станува збор за координирана операција во која учествуваа повеќе служби за безбедност и одбрана.
I thank our warriors, who make Russia feel the war every day. Last night, in a joint operation by the Security Service of Ukraine, the Unmanned Systems Forces, the Defense Intelligence of Ukraine, and the Foreign Intelligence Service, the Yaroslavl oil refinery was hit. The… pic.twitter.com/lQM7MrpBA3
— Volodymyr Zelenskyy / Володимир Зеленський (@ZelenskyyUa) September 17, 2026
„Во текот на ноќта, во заедничка операција на Службата за безбедност на Украина (СБУ), Силите за беспилотни системи, Военото разузнавање (ГУР) и Службата за надворешно разузнавање, беше погодена рафинерија за нафта во Јарослављ. Службата за безбедност исто така изведе прецизен напад врз воен аеродром во Ростов; потврдено е оштетување на еден авион „Ан-12“, два авиона „Ан-26“ и три хеликоптери. Добри резултати беа забележани и во областа на Црното Море“, објави Зеленски на платформата „Икс“ (X).
Генералштабот на Украина соопшти дека цел на нападот бил воениот аеродром „Ростов-на-Дон“ во Ростовската област. Во објектот избувнал пожар, проследен со секундарни детонации. Според официјалните украински податоци, на аеродромот е потврдено уништување на два транспортни авиона „Ан-26“, еден транспортен авион „Ан-12“ и три хеликоптери.
Погодена била и рафинеријата за нафта „Славњефт-ЈАНОС“ во областа Јарослављ, а пожар избувнал во единицата за примарна дестилација на нафта по директен удар.
