Соединетите Држави наскоро отвораат воена база во Полска. Американскиот претседател Доналд Трамп ентузијастички го објави ова во објава на својата платформа за социјални медиуми, „Трут соушл“ (Truth Social).
Во својата порака, Трамп ја спомена одличната соработка со својот колега од Варшава, Карол Навроцки.
„Одлични вести! Благодарение на храброто раководство на мојот пријател Карол Навроцки, претседателот на Полска, се постигнува голем напредок кон воспоставување база на американската армија во Полска…“ – изјави Трамп.
Неговата порака набрзо беше споделена од Белата куќа на нејзиниот официјален профил на „Икс“ (X), што многу говори за плановите на Стејт департментот.
Како потсетување, претходно беше објавено дека САД ќе го намалат бројот на своите војници во Германија и дека дел од тие сили би можеле да го зајакнат источното крило на НАТО во соседна Полска.
