Стејт департментот денеска соопшти дека одобрил визи за иранската „главна делегација“ и за неопходниот помошен персонал за присуство на седницата на Генералното собрание на Обединетите нации следната недела.
Во главната делегација се вклучени претседателот Масуд Пезешкијан и министерот за надворешни работи Абас Аракчи, изјавија американски официјални претставници за агенцијата Асошиејтед прес.
Одлуката беше неочекувана, со оглед на конфликтот меѓу Иран и САД, како и на отсуството на какви било знаци дека е близу договор во врска со отворањето на теснецот Хормуз или враќањето кон преговорите за иранската нуклеарна програма.
Понатаму, владата на САД продолжува да го означува Иран како водечки државен спонзор на тероризмот во светот.
За разлика од Иранците, Палестинците и оваа година нема да можат да присуствуваат на седницата на Генералното собрание, бидејќи Стејт департментот повторно им одби визи на високи палестински функционери, вклучително и на претседателот Махмуд Абас.
