Македонија се подготвува за период на нестабилно и променливо време, со опасност од локални невремиња, поројни врнежи од дожд, засилен ветер и грмежи. Според најавите на Управата за хидрометеоролошки работи (УХМР), циклонската активност ќе го диктира времето до средината на следната седмица, носејќи нов бран врнежи и постепено заладување.
Најизразени врнежи се очекуваат во недела, кога на одредени места може да наврнат и над 20 литри дожд на квадратен метар. Локално, времето ќе биде особено нестабилно, со можност за пороен дожд, силни налети на ветер и грмежи, предупредуваат метеоролозите.
Од понеделник следува пресврт – ветерот ќе засилува, а температурите ќе одат надолу. Северниот ветер ќе донесе почувствително заладување, поради што времето ќе добие сè повеќе есенски карактер.
Дополнително заладување се очекува во вторник, кога под влијание на постудена воздушна маса, на дел од повисоките планини дождот ќе преминува во снег.
ИЗДВОЕНИ
Секој месец по 1.000 нови стана – кој ги купува?
Одиме со Боки 13 во Бургас, на Песна на Евровизија 2027! Балканската поп ѕвезда Јелена Карлеуша, открива за весникот ВЕЧЕР
(Интервју) Александар Степанулески: Театарот ни овозможува да го удвоиме животот
Милијарди евра се „асфалтираат“ во сложени инженерски предизвици
