Општина Илинден продолжува со доградбата и модернизацијата на фудбалскиот стадион во населбата Илинден, со цел создавање современи услови за развој на спортот и организирање натпревари според највисоките стандарди.
Од Општината соопштија дека почнало поставувањето современ систем за осветлување со над 30 рефлектори, кој ќе овозможи одржување тренинзи и натпревари и во вечерните часови, согласно со современите европски стандарди и УЕФА-критериуми.
– Поставувањето на осветлувањето е дел од поширок проект што се реализира во повеќе фази, при што во претходниот период беше извршена целосна реконструкција и проширување на фудбалскиот терен, поставена е нова вештачка трева, изградена е заштитна ограда и имплементиран е современ систем за дренажа – појаснуваат од Општина Илинден.
Притоа, додаваат дека паралелно се одвива и изградбата на нова трибина со капацитет а1.100 гледачи, како и современи поттрибински административни и технички простории.
– Проектот предвидува изградба на соблекувални со санитарни јазли и тушеви, простории за судиите и за службените лица, тоалети за посетителите, вклучително и за лицата со попреченост, магацински и складишни простории, како и посебен коридор за движење на играчите. Со него е предвидено и хортикултурно уредување на околниот простор, изградба на паркинг за повеќе од 60 возила, како и обновување на комуналната инфраструктура – потенцираат од локалната самоуправа.
ИЗДВОЕНИ
Прогласена епидемија на западнонилска треска во делови од Скопје, досега еден починат од вирусот
Флашираната вода стигнува до пунктовите но, не и до сите граѓани – денешните резултати се клучни
Македонија стиска палци за Никола Ѓуретановиќ – ќе се бори со европската елита!
Возачите чекаат решение на 1 септември во Брисел – ако нема договор, ќе следуваат протести
