Општина Аеродром започна целосна модернизација на уличното осветлување на целата нејзина територија.
– Старите и дотраени светилки ќе бидат заменети со современо паметно ЛЕД-осветлување кое ќе овозможи поголема безбедност, подобра видливост и пониска потрошувачка на енергија – најавија од Општината.
Оттаму додаваат дека новото осветлување ќе ги опфати улиците, парковите, спортските и детските игралишта.
– Ова е уште еден чекор кон помодерен, побезбеден и поквалитетен Аеродром за сите граѓани – нагласуваат од локалната самоуправа.












