Македонските кикбоксери продолжуваат со одличните настапи на Европското првенство во Скопје, а натпреварувачкиот ден го завршија со вкупно осум обезбедени бронзени медали. Последен во низата беше Стефан Михајловски, кој со убедливи 3-0 го совлада Унгарецот Марк Хомонаи и се пласираше во полуфиналето, со што обезбеди најмалку бронзен медал во категоријата +94 килограми во дисциплината кик-лајт.
Претходно место меѓу четворицата најдобри обезбедија и Силвио Мировски, Нелсон Узеир и Марија Димовска, а успешната серија ја комплетираа Анастасија Јанческа, Наум Додевски, Викторија Варадинова и Теа Велковска.
Од останатите, Дарко Нумановиќ во категоријата до 74 килограми загуби од Турчинот Муџахит Мили со 0-3 и го заврши настапот во четвртфиналето на петтото место. Михајловски, пак, го очекува полуфиналниот дуел против Полјакот Рафал Гашчак, во обид да обезбеди место во големото финале.
ИЗДВОЕНИ
Компаниите ќе можат да исплаќаат плати и придонеси од сметките на „Алта банка“
Екс членот на ДИК, Субхи Јакупи, познат по бонусите што си ги поделил со колеги за избори, стана претседател на Управниот суд
Мицкоски ветува нов сопственик, Филипче предупредува за ризиците, се отвори темата за наводните врски на ДУИ со Алта банка Србија
Обвинителството и МВР без детали за фемицидот во Богданци, женските организации бараат истрага за пропустите на институциите
