Дваесет и петгодишна жена е под истрага откако се обидела да внесе марихуана и кокаин во затворот „Идризово“, криејќи ја дрогата во табли со јајца наменети за посета на нејзиниот сопруг, кој издржува затворска казна.
Од Основното јавно обвинителство Скопје информираа дека против неа е донесена Наредба за спроведување истражна постапка за кривично дело „Неовластено производство и пуштање во промет наркотични дроги, психотропни супстанции и прекурсори“ по член 215 став 1 од Кривичниот законик.
Според истрагата, на 20 мај осомничената пристигнала во КПУ „Идризово“ во посета на сопругот и со себе носела две табли за јајца во кои на прв поглед имало вкупно 60 јајца. Сепак, при скенирање и дополнителна рачна контрола, затворските служби откриле дека 28 од јајцата биле преправени и во нив имало скриени пакувања со дрога.
При проверката биле пронајдени вкупно 318,62 грама марихуана и 142,2 грама кокаин.
Јавниот обвинител, имајќи ги предвид тежината на делото, опасноста од бегство и можноста за повторување на кривичното дело, до судијата на претходна постапка предложил мерка куќен притвор. Како олеснителна околност е земено предвид тоа што осомничената е мајка на малолетни деца, меѓу кои и петмесечно бебе.
ИЗДВОЕНИ
Еврокомесарката Кос и премиерот Мицкоски со иста цел, но со различни патишта до Брисел
КОЛУМНА, ЗВОНКО ДАВИДОВИЌ: Демократија на „апарати“, од партиски штабови до дигитални септички јами
Домашната пченица стои непродадена, а увезуваме пченица и брашно со сомнителен квалитет
Сиљановска-Давкова: „Најсилна Европа е онаа што живее во мир и демократија, заснована на принципи и вредности“
