„Време некој друг да преговара во име на Украина наместо Зеленски“ – остра изјава на Трамп пред средбата со Путин и Џинпинг

Американскиот претседател Доналд Трамп вчера изјави дека е подготвен да учествува на трилатерална средба со рускиот претседател Владимир Путин и претседателот на Народна Република Кина, Шји Џинпинг, додавајќи дека Украина би требало да биде претставена од некој друг, а не од претседателот Володимир Зеленски, пренесува „Аксиос“ (Axios).

Оваа изјава јасно покажува дека односите меѓу Трамп и Зеленски повторно се влошиле – иако Зеленски неодамна, на инсистирање на Трамп, се согласи да одржи предвремени избори во Украина во обид да се стави крај на војната таму.

Тема на потенцијалната трилатерална средба – која би можела да се одржи во Кина во ноември – би било нуклеарното оружје. Трамп се надева дека Шји Џинпинг ќе ги покани него и Путин на една таква средба.

„Би разговарале за нуклеарното оружје и нуклеарното разоружување. Ако претседателот Шји сака средбата да се одржи, јас би учествувал“, рече Трамп во понеделникот во обраќање пред новинарите пред Белата куќа во Вашингтон.

На прашањето од новинарите дали е подготвен да преговара за ставање крај на војната меѓу Украина и Русија – без учество на Зеленски – Трамп потврди дека е отворен за разговори за завршување на конфликтот во Источна Европа. Сепак, тој напомена дека е „време некој друг да преговара во име на Украина“.

Русија и САД неодамна постигнаа договор за испорака на голема количина дизел во САД – потег што Зеленски го опиша како грешка, која претставува правење отстапки кон Путин. Ова го разгневи Трамп, кој возврати со закана дека Украина треба да одржи предвремени избори; подоцна, Трамп изјави дека стапило на сила „енергетско примирје“.

По ова, Трамп го откажа новиот пакет санкции против Русија, што дополнително го разбесни Зеленски. Русија, од друга страна, великодушно одговори на овој потег на Трамп.