Општина Центар изведува градежни активности за поставување нова водоводна и нова фекална мрежа на улиците „Анте Хаџи Митков” и „Кеј 13 Ноември” во Маџир Маало.
Според општинските власти, со овој зафат се прошируваат капацитетите на водоснабдувањето и одведувањето на фекалните води.
– Станува збор за целосно нова инфраструктура, која ќе овозможи поефикасно и постабилно водоснабдување на околу 200 жители на населбата, како и подобро одведување на отпадните води. Вкупната должина на новите цевководи изнесува 127 метри – соопштија од Општина Центар.
Градоначалникот на Општина Центар, Горан Герасимовски, додаде дека се подобрува инфраструктурата во интерес на граѓаните.
– Со овој проект, жителите на Маџир Маало добиваат современо и сигурно водоснабдување и трајно решение за одведување на фекалните води – изјави Герасимовски.
ИЗДВОЕНИ
АПЧЕ ЗА АБОРТУС ОД „ЖЕНСКИ МУАБЕТ“ ДО ЦРН ПАЗАР – ЛЕКАРИТЕ ПРЕДУПРЕДУВААТ ДА НЕ СЕ ПИЕ НА СВОЈА РАКА
Премиерот добивал закани по живот, уапсен 39 год. маж од кумановско Черкези
Скопје „гори“ од скапотија, за нормална живејачка во сопствен стан се потребни 565 евра
Владата ќе го намалува ДДВ за дизелот, опозицијата бара уште пониски давачки
