Мохамед Салах е еден од најдобрите играчи во светот оваа сезона бидејќи игра во неверојатна форма во дресот на Ливерпул. Египќанецот постигна нереални 30 гола на 39 натпревари во сите натпреварувања, а додаде и 22 асистенции.
Сепак, челниците на Ливерпул се многу загрижени бидејќи договорот на Салах истекува на крајот од оваа сезона и со месеци се обидуваат да го убедат да остане и да ја продолжат соработката, но се уште ништо од тоа.
Египќанецот дури изјави дека никој од клубот не му ни понудил нов договор, што ги налутило навивачите кои сакаат Салах да остане, но јасно е дека ситуацијата сепак не е воопшто едноставна.
Затоа на „Енфилд“ почна да размислува за резервните опции кои ќе бидат во прв план доколку Салах навистина реши да ги спакува куферите и да го напушти англискиот клуб на лето.
Веќе неколку фудбалери се поврзуваат со „црвените“, а сега се појави информација дека прв на таа листа е играчот на Реал (М).
Тоа е Брахим Дијаз, кого челниците на Ливерпул го гледаат како можна замена за Салах и играч кој лесно би се вклопил во тимот доколку успеат да се договорат за обештетувањето.
Дијаз има договор со Реал до летото 2027 година и не е невозможно да ја прифати поканата од Ливерпул доколку дојде понуда бидејќи во Мадрид нема стандардна првотимска улога поради жестоката конкуренција во нападот.
Исто така, овој 25-годишен играч претходно играше во Англија каде беше член на Манчестер Сити пред да му се приклучи на Реал (М) на почетокот на 2019 година. Офанзивниот играч за врска немаше добар статус во Реал, поради што двапати замина на позајмица во Милан.
Сезонава одигра 34 натпревари на кои постигна четири гола и забележа седум асистенции, но повеќето од натпреварите ги започна на клупата за резервни играчи.
