Лек за еректилна дисфункција пронајден во чоколади!? Ризик од пад на крвниот притисок кај мажите, компанијата ги повлече производите

Koмпанија од Калифорнија повлекува производи откако открила присуство на нерегистрирани состојки силденафил и тадалафил – активните состојки во лековите за еректилна дисфункција.

Службениците на ФДА предупредуваат дека е издадено национално повлекување за два чоколадни производи откако е откриено дека содржат нерегистрирани состојки за лекови за еректилна дисфункција што се издаваат на рецепт.

Калифорниската компанија „Гир Ајл“ доброволно повлекува одредени серии од своите производи „Златен лав афродизијак чоколадо“ и „илум секс чоколадо“ откако тестирањето откри присуство на силденафил и тадалафил – активни состојки што најчесто се користат во лековите за еректилна дисфункција, објави во четврток американската Администрација за храна и лекови (ФДА).

Овие производи се продаваа преку интернет низ целите САД и беа рекламирани како додатоци во исхраната.

ФДА предупреди дека нерегистрираните состојки би можеле да претставуваат сериозен ризик по здравјето, особено за луѓето кои земаат нитрати за срцеви заболувања.

„Меѓу возрасните мажи кои најверојатно ги користат овие производи, оние кои земаат нитрати за срцеви проблеми се најмногу изложени на ризик“, се вели во соопштението.

Лек за импотенција пронајден во чоколадо; Мажите се изложени на ризик поради пад на крвниот притисок ФОТО

Ова се однесува на:

• Gold Lion Aphrodisiac Chocolate Male Enhancement Sachet (UPC: 795847916279, датум на истекување: јуни 2027 година)
• ilum Sex Chocolate Male Sexual Enhancement Booster (UPC: 1002448578911, датум на истекување: 25 декември 2027 година)

Gear Isle соопшти дека не добил никакви извештаи за несакани ефекти поврзани со овие производи.

Потрошувачите се повикуваат веднаш да престанат да ги користат овие производи и да ги вратат за враќање на парите.

FDA советува секој што има симптоми веднаш да се јави кај својот лекар.

Повлекувањето следи по слична акција претходно овој месец, кога „Primal Supplements Group ДОО“ од Ново Мексико доброволно повлече одредени серии од својот производ за сексуално подобрување, Primal Herbs „Volume“, откако исто така беше пронајден и силденафил, соопшти ФДА.

Chocolate products recalled over hidden drugs tied to ‘life-threatening’ blood pressure drops https://t.co/BISb9YmKzC pic.twitter.com/KO0VxQb7hq

— New York Post (@nypost) March 30, 2026