По учеството на митинзи за претстојните избори за Конгресот, американскиот претседател Доналд Трамп присуствуваше на забава по повод Ноќта на вештерките, организирана на неговиот имот „Мар-а-Лаго“ на Флорида.
Трамп пристигна на забавата маскиран како самиот себе.
Големата сала за свечености, уредена во стил на џунгла, беше осветлена со зелена светлина и исполнета со разни декорации – вклучувајќи и мотиви со леопардова шара – но американскиот претседател им изјави на присутните новинари дека бил презафатен за да најде костим за себе.
„Дојдов маскиран како Доналд Трамп“, рече тој, покажувајќи на својот син костум и неговата препознатлива црвена вратоврска.
И покрај анкетите кои покажуваат исклучително тесна трка меѓу демократите и републиканците, Трамп остана оптимист.
„Мислам дека ќе поминеме многу добро. Мислам дека ќе изненадиме многу луѓе“, изјави Трамп, пренесе „Бета“.
Изборите за Конгресот, кои традиционално се одржуваат на половина од мандатот на актуелниот американски претседател, ќе се одржат во вторник.
ИЗДВОЕНИ
Народна банка на Македонија донесе решение за воведување администрација во Алта банка а.д. Битола
Без помош од други, не можат ниту до лекар ниту до банка, 43 отсто од институциите немаат пристап до тоалет
ЖИВОТНИ ПАTОКАЗИ, ЗОРАН КРСТЕВСКИ: СПРАВУВАЊЕ СО ТЕШКОТИИТЕ
Втор круг од изборите за градоначалник во Брвеница
