Новак Ѓоковиќ и Арина Сабаленка не успеаја да ја поминат првата пречка во мешани двојки на Отвореното првенство на САД. Подобри од првите носители беа Хенри Патен и Катерина Сињакова, кои славеа со 1:4, 4:2, 10:2 по 48 минути игра.
Ѓоковиќ и Сабаленка го отворија натпреварот одлично, играјќи безбедно на сервис и создавајќи голема разлика пред своите противнички. По три сигурни сервис гема, тие го скршија сервисот на Сињакова во четвртиот гем, откако губеа со 0:40. Го добија првиот сет со резултат 4:1.
Во вториот сет, сè изгледаше добро за првите носители. Ѓоковиќ и Сабаленка направија „брејк“ во третиот гем и поведоа со 2:1, но Патен и Сињакова веднаш возвратија.
Upset alert 👀
Sabalenka/Djokovic take the first set 4-1 off Siniakova/Patten! pic.twitter.com/0XivYgquMK
— US Open Tennis (@usopen) August 25, 2026
Сињакова повторно направи „брејк“ на сервисот на Ѓоковиќ во шестиот гем, по брилијантен бекхенд удар на паралелата, а Патен и Чешката тенисерка го добија сетот со 4:2 и го заработија одлучувачкиот тај-брејк.
Во решавачкиот дел од натпреварот, специјалистите за двојки целосно ја презедоа контролата. Тие ги освоија сите шест поени на свој сервис и направија четири мини-брејкови.
Патен и Сињакова поведоа со големо водство од 9:2, по што чешката тенисерка ја искористи првата меч-топка со ас и ги испрати Ѓоковиќ и Сабаленка дома.
ИЗДВОЕНИ
КОЛУМНА, ГОРДАН ЈОРДАНОВ: Може ли словенското помирување да ја спаси Европа од нова голема војна?
Мицкоски: Јас би бил најсреќен ако Американците ги затегнат условите за иселенички визи, оваа Влада сака да ги врати иселениците
Димитријевиќ се враќа за Македонија: „Последна шанса за Евробаскет“
Мицкоски за „Брајтбарт њуз“: Кога на Америка ѝ беа потребни сојузници, мојата земја не се криеше во толпата
