Колку заработи Ѓоковиќ со пласманот во полуфиналето во Пекинг?

Најдобриот тенисер на сите времиња, Србинот Новак Ѓоковиќ, стигна до полуфиналето на турнирот во Пекинг, по спектакуларен пресврт, го победи вториот тениски рекет во светот, Германецот Александар Зверев, со 4:6, 6:4, 6:4 и ја забележа 32. победа со што го собори рекордот во машкиот тенис по бројот на победи без пораз на еден турнир, а не е за занемарување и финансискиот момент.

„Ова беше еден од двата најдобри натпревари што ги одиграв оваа година, заедно со полуфиналето на Австралија опен против Синер. Секако дека сум многу среќен што успеав да победам некој кој е, веројатно, најдобриот играч во светот во моментов. Саша има неверојатна серија, игра на спектакуларно ниво, особено во последните месеци по освојувањето на САД опен. Тој отсекогаш бил врвен играч. Знаевме дека е само прашање на време кога ќе освои гренд-слем. Тој го направи тоа оваа година, и тоа не само еден, туку два во истата сезона. Со самодовербата што ја има сега, неговиот одличен сервис и притисокот што го врши, е исклучително тешко да се игра против него. Кога е толку цврст, прецизен и силен на сервис, ве принудува да го направите секој сервис натпревар свој“, кажа Новак по мечот.

Турнирот од серијата 500 оваа сезона има награден фонд од 4.089.385 долари, а српскиот тенисер досега заработи 219.925 долари. Доколку стигне до финалето, губитникот ќе добие 411.480 долари, додека победникот на турнирот ќе добие 764.750 долари.

Парите никогаш не биле во преден план, а клучот се 200 АТП-поени што Новак ги освои со пласманот во полуфиналето и е поблиску до враќањето во Топ-10.

Пресметката е јасна, ако го победи Медведев, ќе се врати во Топ-10, а во најдобар случај, би можел да стигне дури и до осмата позиција, но за тоа му се потребни други резултати. Србинот има уште една цел до крајот на годината, а тоа е да се квалификува за Завршниот турнир во Торино. Доколку го освои турнирот во Пекинг и забележи добар резултат во Шангај или во Париз, би можел да биде меѓу осумте најдобри во сезоната.

Кога станува збор за рекорди и достигнувања, тој е уште една победа подалеку од изедначување на рекордот на легендарната Моника Селеш од 33 победи на Австралија опен, а ако сака да го собори својот идол, ќе мора да ја освои титулата на својот омилен терен и пред своите омилени навивачи.