Народна Република Кина официјално го започна проектот „Сателитски град“ и мрежата „Илјада едра“ како дел од големата вселенска програма насочена кон изградба на сопствена глобална интернет инфраструктура и конкурирање со американската компанија SpaceX, објавија кинески државни и технички извори.
Во услови на зголемена конкуренција меѓу Кина и САД на терен и во вселената, Пекинг брзо развива систем кој ги комбинира масовното производство и лансирањето сателити во ниска орбита, со цел создавање мрежа „Илјада едра“, објави Ал Џезира.
Според податоците од кинескиот комерцијален центар за лансирање во Хаинан, седмата група сателити во рамките на овој проект беше успешно лансирана на 10 април.
