Францускиот претседател Емануел Макрон денес изјави дека светот минува низ „пресвртна точка“ во која се доведуваат во прашање постојниот меѓународен поредок и политиката на моќ, при што глобалните кризи се шират, а мултилатерализмот ослабува.
Во своето видео обраќање на Светската конференција за политика (WPC), Макрон рече дека Франција нема да биде „само коментатор“, туку сака да дејствува како „балансирачка сила“ што придонесува за мирот и стабилноста, залагајќи се за стратешка автономија и независност на Европа во донесувањето одлуки.
Тој го претстави концептот на „коалиција на независни актери“, во која земјите би се собрале околу заеднички интереси, а не околу „блокски поделби“.
