Рој Кин даде остар коментар за инцидентот што доведе до исклучување на Фил Фоден во дербито на Манчестер. Поранешниот капитен на Манчестер јунајтед го обвини Бруно Фернандес дека се однесувал лошо за да предизвика црвен картон за својот ривал од Премиер лигата. И покрај тоа што имаше играч помалку, Манчестер сити успеа да победи со 1:0 благодарение на голот на Ерлинг Халанд.
Атмосферата на дербито во Манчестер се влоши во првото полувреме, кога му беше покажан директен црвен картон на Фоден, по судирот со капитенот на Јунајтед. Судијата Мајкл Оливер му го покажа патот до соблекувалната поради насилно однесување, но Кин не беше импресиониран од реакцијата на португалскиот играч од средниот ред.
– Мора да бидеме фер. Дали му даде играчот причина на судијата? Фоден беше малку наивен, но истото може да се каже и за Бруно. Ако му беше покажан црвен картон на Бруно за нешто вакво, ќе речевме дека бил неодговорен. Не можеш само така да се тркалаш по теренот. Бруно мораше да биде попаметен во врска со тоа. Луѓето зборуваат за тензијата на еден голем натпревар, но мора да имаш почит кон своите соиграчи и кон противниците. Што се однесува до Фоден, не мислам дека беше за црвен картон – изјави Кин.
Инцидентот се случи во 23. минута. Откако Фернандес го собори Фоден на аут-линијата, на снимката се гледа како го шутира додека е на земја, предизвикувајќи реакција од него. Иако контактот беше минимален, реакцијата на капитенот на Јунајтед беше доволна за да го убеди судијата да ја изрече најстрогата казна.
– Фоден станува, очигледно реагира и затоа е исклучен. Фернандес го собори и го шутна. Претпоставувам дека се квалификува тоа како насилно однесување. Но, Фернандес беше тој што беше насилен, не мислам дека требаше да му биде покажан црвен картон на Фоден – додаде Кин.
